"Bakmil" sözü Bakı və Milan birgə istehsalı olan müəssisənin adından qalıb. Müəssisə italyan texnologiyası ilə elektrikli mətbəx cihazları istehsal edirdi. "Bakmil" "Bakı Məişət Kondisionerləri Zavodu" ilə müştərək müəssisə olduğu üçün loqonun mərkəzində məhz "Bakkondisionerin" simvolunu görmək olar. 1979-cu ildə açılışı edilmiş, Bakı Metropoliteninin yeganə yerüstü stansiyası "Bakmil" də öz adını elə buradan götürür. Əvvəllər adı "Elektrozavod" olan stansiya 1992-ci ildə dəyişdirilərək yaxınlığında yerləşən müəssisənin adını alır. "Bakmil"-in cihazlarından qəhvə üyüdücü. 1989, fotoqraf D. Kalinin.